Tŭ do, Tập đoàn Marubeni bơcri priă tàm broă ñiệt điện chah, tăc mờ lơgar ndai ală phan bơna lơgar Việt Nam dê lơh geh. Ồng Phạm Minh Chính- Thủ tướng Cíñ phủ Việt Nam jờng rơ tŭ Marubeni rwah Việt Nam là anih lơh broă jŏ jòng bơtàu tơngguh tàm kơnhoàl ù tiah đah Jum măt tơngai Lik câu Á, đơs là bơta do di jơh lơm mờ gùng dà bơtàu tơngguh lơh sa lơh broă mờ lơgar ndai bơh Việt Nam dê, ngan là gơhòi gơ jà bơcri priă bơh ală mpồl lơh sa kă bro lơgar Ñờk dê.

Thủ tướng kơ̆p kờñ Marubeni pơn jăt tai rề ơnàng ală hìu măy ñiệt điện nhơm; mơkung lơh broă bal mờ Tập đoàn Petrovietnam tàm broă đèng càl tàm dà lềng nàng tăc đèng ai ală lơgar Asean in. Thủ tướng kung kơ̆p kờñ Marubeni dong kờl nàng kơphê mờ phe Việt Nam dê tăc uă tus drà lơgar Ñờk dê kung bè drà dunia; Ñờk gơtùi tơngguh tai blơi phan sa geh gar, phan sa, plai chi bơh Việt Nam dê.