Do là dơ̆ lòt còp sơn rờp bơh Thủ tướng Cíñ phủ lơgar Việt Nam dê tus lơgar Estonia kờp bơh tŭ 1 lơgar lơh geh bơta gĭt gơ̆p cribơyai broă mờ lơgar ndai nam 1992. Kờp dŭ tàm dơ̆ lòt còp lơgar Estonia, Thủ tướng Cíñ phủ Phạm Minh Chính rơ̆p geh ală dơ̆ cribơyai kấp dờng, tìp mat kấp dờng mờ kwang đơng lam bồ kấp dờng bơh lơgar Estonia, tus bal cribơyai mpồl lơh sa kă bro Việt Nam mờ  Estonia, còp bàr pe anih lơh sa – mpồl bơtiàn, niam chài bơh lơgar Estonia dê.

Dơ̆ lòt còp geh kơ̆p gơn rơ̆p pờ geh ală tŭ tơngai niam lơh broă bal pa đah 2 lơgar, ngan là tàm ală gah măi mok, yal tơngĭt jơnau, tam gơl sồ, bồ tơngoh jak kòn bơnus lơh gơlik, măi mok priă jền, lơh sa sồ, lơngăp lơngai internet, logistics ngăc ngar, anih ơhò ơm sồ, bơtàu tơnguh Cíñ phủ điện tử.