Đơs pơndŭt dơ̆ lơh broă, Củ tịc lơgar ồng Lương Cường cih dờp, đơs niam ngan nùs nhơm geh kơnòl, bơta rơcăng lài, bơceh lơh bơh Tỉñ ủy càr Quảng Ninh dê tàm broă lam kơlôi sơnơng, bơsram, lơh loh làng, lam lơh jăt Jơnau lơh nền tàm pơrjum Dà lơgar 11, lơh geh bơta dùl nùs bal, ring bal uă tàm mpồl kwang bàng, đảng viên mờ ală rơnàng làng bol. Mờ ală broă jàu bơtàu tơngguh lơh sa- mpồl bơtiàn kung gàr tàm khà uă, bơta lơngăp lơngai cíñ trị, rơndăp tăp sèng lơngăp lơngai mpồl bơtiàn geh gàr kơnhăp.

Củ tịc lơgar dòn kơnờm là, mờ nùs nhơm tam gơl pa, bơceh lơh, khin cha mờ jơh nùs cíñ trị uă, Đảng ƀộ, gơnoar ătbồ, ling klàng mờ làng bol càr Quảng Ninh rơ̆p pơn jăt tai gàr niam ală broă neh lơh geh dờng ngan, lơh jăt geh cồng nha Jơnau lơh nền tàm pơrjum bơh Pơrjum Dà lơgar 11 khoă XIII dê, cih sră nggal mờ rơcăng kwang bàng ai Pơrjum dờng Đảng ƀộ càr in ngan ngồn pơnrơ ngan, cồng nha, pơgồp bơnah kwơmàng tàm cồng nha lơh geh bơh Pơrjum dờng Đảng gùt lơgar dơ̆ XIV dê.