Thủ tướng Cíñ phủ ồng Phạm Minh Chính đơng lam pơrjum gùt lơgar bè bơt bơtàu ƀòn lơgar pa mờ tơrmù rƀah
Thứ hai, 10:36, 23/06/2025 Cau mblàng: K'Duẩn/VOV Cau mblàng: K'Duẩn/VOV
VOV4.K'Ho- Thủ tướng tơngkah tơngai bơh nam 2026 tus nam 2035, pơgồp bal ală broă lơh jơnau kờñ dà lơgar gam lam lơh gơ gơs 1 broă lơh nàng ờ gơtìp rơndap rơndồl bè gơnăp gơnoar, kơnòl broă.

Mho ngai 22/6, tàm Hìu lơh broă Cíñ phủ, Thủ tướng ồng Phạm Minh Chính, kwang lam bồ Mpồl sồr lơh ală broă lơh jơnau kờñ dà lơgar; Củ tịc Mpồl duh broă tàm pơrlòng pà khà jờng dà lơgar đơng lam Pơrjum gùt lơgar tơn jơh Broă lơh jơnau kờñ dà lơgar bơt bơtàu ƀòn lơgar pa; Broă lơh jơnau kờñ dà lơgar tơrmù rƀah kơ̆ kơljap jŏ jòng sùm mờ srơh “Gùt lơgar pơgồp bal bơta pràn bơt bơtàu ƀòn lơgar pa”, srơh “Tài cau rƀah - Ờ lời cau lơi gơtìp lời wơl hờ ngkời” tơngai bơh nam 2021 tus nam 2025.

Đơs tàm pơrjum, Thủ tướng đơs là: kâp kơnhoàl neh lơh gơs kơnòl kah yau, Broă lơh jơnau kờñ dà lơgar bơt bơtàu ƀòn lơgar pa neh dờp geh rlau 50% kơnhoàl tơl khà ƀòn lơgar pa. Den tàng pal jờng rơ gơnoar broă bơh kâp kơnhoàl dê tàm bơtàu tơnguh lơh broă sa suơn sre, ƀòn lơgar mờ làng bol lơh broă sa, di gơnoar broă mờ kơnòl kah yau. Thủ tướng tơngkah tơngai bơh nam 2026 tus nam 2035, pơgồp bal ală broă lơh jơnau kờñ dà lơgar gam lam lơh gơ gơs 1 broă lơh nàng ờ gơtìp rơndap rơndồl bè gơnăp gơnoar, kơnòl broă. Thủ tướng đơs nền broă lơh jơnau kờñ dà lơgar bơt bơtàu ƀòn lơgar pa pal geh tơnguh bè jơnau sồr, broă lơh, ƀòn lơgar pa gơguh jơnhua, broă lam lơh ơnàng rlau, cau geh dờp uă rlau, lơh gơlik ală phan OCOP.

Cau mblàng: K'Duẩn/VOV

Viết bình luận

TIN CÙNG CHUYÊN MỤC