
Jat hơ̆, 231 nă kwang bàng neh geh Mpồl lơh kơnòl broă sùm Tỉñ ủy càr sồr at ală gơnoar broă tờm ngan, geh: Ƀí thư, Phó Ƀí thư mờ Củ tịc Anih duh broă làng bol kâp sàh tơngai lơh broă bơh nam 2025 tus nam 2030, pơgồp bal mờ tơngai lơh broă gơnoar atbồ bơh nam 2021 tus nam 2026.

Pal sền gròi ngan là geh 2 nă kwang geh jơng tàm Tỉñ ủy càr geh sồr at gơnoar broă Ƀí thư sàh, sơnah ƀòn. Hơ̆ là ồng Nguyễn Xuân Phước, Kwang geh jơng tàm Tỉñ ủy càr, Ƀí thư Thị ủy ƀòn drà dờng An Khê lài do geh sồr lơh Ƀí thư Đảng ủy sơnah ƀòn Pleiku; ồng Lưu Trung Nghĩa, Kwang geh jơng tàm Tỉñ ủy càr, Kwang lam bồ Sờh Lơh broă sa suơn sre mờ Tiah ơm kis geh sồr lơh Ƀí thư Đảng ủy sơnah ƀòn An Phú. 229 nă kwang bàng ndai là kwang đơng lam bồ ală kơnhoàl, ƀòn drà dờng, ƀòn dờng (rơp tơn jơh lơh broă) mờ bàr pe sờh, mpồl, gah broă lơh tàm càr. Tàm pơrjum, Tỉñ ủy càr Gia Lai đơs nền; kâp sàh pa là kâp lơh jat tơn jơnau lơh nền, broă lơh bơh Đảng mờ Dà lơgar dê, bơsong mờr 80% khà broă sră pơ àr gơnoar atbồ bơh sàh, sơnah ƀòn dê. Bè hơ̆ den tàng, bơta niam, nùs nhơm kơnòl broă bơh mpồl kwang bàng tờm ngan dê geh gơnoar broă lơh nền.
Viết bình luận