
Tơngai lơh broă pa do, tàm tơngai ală bơta tàm dunia, tàm tiah do mờ tàm dà lềng đah mat tơngai lik geh ală bơta gơlik geh mhar, kal ke; kòp dờng Kovid-19 bơtờp uă, mơya ală kwang bàng, cau ling tàm jơh gùt Đảng ƀộ Gah đơng lam Mpồl ling klàng càr kung gam jat nền tàm bơta geh ngan, lơh jat geh cồng nha tơl kơnòl broă geh Ƀộ Ling klàng, Ling tiah 5 mờ Tỉñ ủy càr Dăk Lăk dê jàu.

Ngan ngồn, mpồl ling geh lơh jat gùng dà broă lơh “sàng goh, niam, pràn”; ală kấp ủy, mpồl Đảng tàm jơh gùt Đảng ƀộ sùm sền gròi broă bơt bơtàu mpồl ling kơ̆ kơl jăp pràn kơl dang bè cíñ trị, bồ tơngoh; đơng lam, sồr lơh jat geh cồng nha broă tam gơl pràn, tam gơl niam rơndăp mpồl cau lơh broă sa priă nhai Dà lơgar “sàng goh, niam, pràn”; sơlơ tơnguh tai ngui jak chài măi mok, tam gơl sồ.
Tàm tơngai lơh broă, Đảng ƀộ Mpồl duh broă Ling klàng càr Dăk Lăk neh di tŭ tơnggơs, ntrờn, tơmŭt bal mpồl Đảng ring bal mờ ală cau sa priă nhai dà lơgar bơh Anih lơh broă, mpồl lơh broă dê; ai lơh jat, tam gơl, bơtơl mờ lơh jat niam jơnau pal jat, jơnau sồr, mờng kwèng lơh broă, broă pơrjum Đảng tàm ală kấp. Ală broă lơh “Đảng ƀộ ƀòn lơgar 4 niam”; “Ci ƀộ 4 niam, 3 ờ” geh lam lơh jat niam mờ geh cồng nha.

Tus bal pơrjum dờng, Đại tá ồng Trần Minh Trọng – Phó Cíñh ủy Ling tiah V cih dờp, jờng rơ ală cồng nha mờ Đảng ƀộ Mpồl duh broă Ling klàng càr Dăk Lăk lơh geh tơngai lơh broă pa do; kung bè broă lơh rcang lài bơyai lơh pơrjum dờng mờ bơyai lơh geh cồng nha 12 Pơrjum dờng Đảng ƀộ gơwèt càr tơngai lơh broă bơh nam 2025 – 2030 mờ lơh Jơnau lơh nền tàm Pơrjum dờng tơngai lơh broă do dê. Nàng lơh jat geh cồng nha Jơnau lơh nền tàm pơrjum neh geh ai, is ồn tàm tơngai tơmŭt bal ală anih lơh broă, mpồl lơh broă sră pơ àr gơnoar atbồ, Phó Cíñ ủy Ling tiah V sồr Đảng ƀộ Mpồl duh broă Ling klàng càr tơrgùm tàm bàr pe kơnòl broă tờm tam gơl pràn tơnơ̆ do: “Tơrgùm đơng lam, pơlam tàp tơnguh uă bơta pràn crăp rcang tam lơh bơh mpồl ling phàu crong càr dê; gàr niam kràñ ngan broă crăp rcang lài tam lơh, lơh geh jơnau sồr kơnòl broă tam tơl ală bơta digơlan gơlik geh. Pơgồp bal niam mờ ală mpồl ling tàm ù tiah càr dê tàm broă gĭt loh, kờp dŭ yal tơngĭt lài, sền sơ wì di ală bơta mờ di tŭ tam lơh geh cồng nha mờ ală bơta cau lơh tìs, gàr niam kơ̆ kơl jăp lơngap lơngai rơndăp tăp sèng mpồl bơtiàn. Bơyai lơh pơlam tàp rcang gàr lài tàm tiah do pơgồp bal mờ rcang gàr lài sền gàr làng bol ală kấp dồ bă niam ngan; lơh sir rơndăp broă tơrgùm bal bơtàu tơnguh lơh sa- mpồl bơtiàn pơgồp bal broă lơh rcang gàr lài mờ nùs nhơm rcang lài sền gàr Dà lơgar jơh gùt làng bol dê”.

Ồng Nguyễn Đình Trung, Ƀí thư Tỉñ uỷ càr, Ƀí thư Đảng bộ Mpồl duh broă Ling klàng càr Dăk Lăk pà gĭt, Jơnau lơh nền tàm pơrjum bơh Pơrjum dờng dê geh sền gĭt mờ gùng dà broă lơh “Làng bol lơh tờm- Tam klăc bal- Bồ tơngoh jak- tam gơl pràn- Bơtàu tơnguh” mờ tơngume “Đòm jat niam bơhiàn mpồl ling phàu crong càr Dăk lăk khin cha jak chài; tơrgùm bơt bơtàu Đảng ƀộ sàng goh, kơ̆ kơl jăp pràn kơl dang; Mpồl ling phàu crong kơ̆ kơl jăp pràn kơl dang tơl làm, lơh krơh niam, pơn rơ jak; jơh nùs lơh ngan lơh sir jak ngan kơnòl broă ling klàng, sền gàr Dà lơgar, sền gàr kơ̆ kơl jăp Dà lơgar Việt Nam sàh hội củ nghĩa tàm bơta pa”. Ồng Nguyễn Đình Trung sồr jơh gùt Đảng ƀộ tam sơm bat tê bal lơh jat Jơnau lơh nền tàm Pơrjum dờng:“Tơrgùm đơng lam, sồr lơh mờ bơta pràn tam lơh; gàr kơ̆ nùs nhơm rài kis mờ broă lơh; lơh jat niam làng bol lơh tờm, tam klăc bal, ring bal; dồ bơta pràn, dồ nùs bal, jơh nùs lơh ngan lơh tus geh Jơnau lơh nền tàm Pơrjum dờng neh geh ai. Mpồl duh broă khoă pa gờñ bơt bơtàu, lam lơh broă rơndăp lơh bơsram, lơh jat Jơnau lơh nền tàm Pơrjum dờng tus jơh gùt kwang bàng, đảng viên, cau ling tàm mpồl ling phàu crong càr dê; bơt bơtàu broă lơh lơh broă geh ngan nàng hời rơ hời lam lơh jat. Ală mpồl jơh nùs hòi jà cau tàm mpồl, đoàn viên lơh ngan tàm pơrlòng, lơh ngan lơh sir niam ngan ală broă jàu, jơnau kờñ mờ Jơnau lơh nền tàm Pơrjum dờng dê neh ai”.
Viết bình luận