
Gam tàm tơngai tàm jàu broă lơh gơnoar atbồ ƀòn lơgar tus 2 kấp, broă lơh rcang ai bơyai lơh dơ̆ pơrlòng in kung gam geh ală mpồl lơh broă geh gơrềng is ồn sền gròi. Dơ̆ pơrlòng jơh bơsram kấp pe nam do, càr Dăk Lăk geh rlau 22 rơbô nă kơnòm pơrlòng cih mat dan tus bal pơrlòng, mờ 949 cơldŭ pơrlòng geh ai tàm 33 tiah.

Sờh Bơto bơtê mờ Bơsram neh pơgồp bal mờ ală tiah hòi jà rlau 3 rơbô nă kwang bàng, cau pơgru, cau lơh broă gah lơh sơnơm, mpồl sền gàr lơngăp lơngai... tus bal dơ̆ pơrlòng. Ală tiah pơrlòng neh geh kờp sền phan bơna, crăp ală camera jat sền, gàr niam ală bơta bè bơta àng, phan puh mrềt, kƀàng, cơghĕ mờ cơldŭ pơrlòng rcang lài. Sờh kung rcang lài tàm broă lam lơh in sao mờ jun pơndiang jơnau pơrlòng, is ồn tàm tơngai nam do geh 2 bơta jơnau pơrlòng ngui ai 2 broă lơh bơto bơtê krơi is in.
Viết bình luận