Tơnơ̆ dơ̆ bơyai lơh wă rò, đơng lam bàr lơgar bơyai lơh pơrjum bơyai tàm nùs nhơm song dơ pă jơh nùs, pin dòn mờ sơrmah sơrmài. Bàr đah tàm lùp bè broă tơl lơgar dê, cribơyai pơlam gùng dờng mờ ală broă lơh loh làng nàng kờñ tơngguh tai lơh broă bal 2 gah tàm tơngai tus. Bè cíñ trị- cribơyai broă mờ lơgar ndai, 2 lơgar ring bal sơlơ tàm pơgơl mpồl ală kâp, is ồn là kâp dờng lòt còp bal mờ gơ̆p, nàng kờñ lơh kơ̆ kơl jăp bơta pin dờn cíñ trị mờ wă wờng bal mờ gơ̆p.

Bè lơh sa, kă bro phan, bơcri priă, bàr nă Đơng lam bồ đơs nền do là broă tờm kwơmàng tàm gĭt gơ̆p 2 gah; ring bal bàr lơgar gam uă bơta pràn nàng tơngguh uă priă lơh geh bơh tàm kă bro phan; rề ơnàng ală mpồl lơh broă bal bè hòi jà lơh Anih duh broă bàr Cíñ phủ bè lơh broă bal lơh sa mờ jak chài- măy mŏk; lam lơh geh cồng nha Jơnau kĭ hơ Kă bro phan khăt gơboh đah Việt Nam mờ EU (EVFTA), ai tơl bơta ƀươn nàng phan kă bro bơh tơl lơgar dê tăc tàm drà kă bro bơh gơ̆p dê, bơh hơ̆ mŭt tàm drà EU mờ Asean.