Jat jơnau dan, gơl gùng kờp dŭ lài jòng 122 kơi sồ, tiah bơh chờm tàm tơrbŏ bal mờ gùng rơndeh lòt mhar tiah đah Tô – tiah đah Jum đah mat tơngai Lik, tiah lồi dŭt tàm tìp mờ Gùng dờng Dà lơgar 14; broă lơh gùng ơnàng 4 bơnàng lơh niam, ntoăt mhar mòn lơh 100 kơi sồ dồ jiơ, geh bơnàng rơndeh ơm mhar. Kờp jơh priă bơcri lơh pơgăp 29 rơbô tơmàn đong (ờ hềt geh priă cồng càn tàm tơngai lơh gùng).

Broă lơh rcang bơcri priă kờp dŭ lam lơh bơh nam 2025 – 2026; mut lơh bơh nam 2026 mờ kờp dŭ lơh sir tàm nam 2029. Gơl gùng rơndeh lòt mhar Phú Yên mờ Dăk Lăk ờ mìng pờ geh tŭ tơngai niam bơtàu tơnguh jun pơndiang anih ơhò ơm bơh Phú Yên tus ală lơgar Tiah dềt dà dờng Mekong lơm, mờ gam sơlơ tơnguh tai tăc bro phan lơh geh bơh broă lơh sa suơn sre bè kơphê, tiêu, sầu riêng... lòt tus ală tiah jat kềng gah dà lềng đah Jum tàm gùl lơgar.