Thủ tướng ồng Phạm Minh Chính sồr bơyai lơh Dơ̆ pơrlòng jơh bơsram kấp pe lơngăp lơngai, ờ gơkòl, niam, song dơ pă, sir tơl, ờ kơn jơ̆, pin dờn, geh cồng nha, tơrmù bơta kơn jơ̆, tơrmù priă tă mờ ai geh bơta ring bal.

Thủ tướng đơs nền, pal sền dơ̆ pơrlòng bè là “ngai chờ bơh gah bơto bơtê dê” nàng ală oh kòn lòt tus hìu bơsram pơrlòng chờ hờp, pin dờn, lơh niam ngan jơnau git wă neh geh bơsram; ală tiah drơng gàr ală cau kal ke in… Nam do, kờp jơh khà cau pơrlòng tus Pơrlòng jơh bơsram kấp pe là rơlao 1 tơlăk 16 rơbô nă, gơguh mờr 100 rơbô nă cau pơrlòng pơn drờm mờ nam lài. Ală tiah neh lơh ngan rơcang lài ai Dơ̆ pơrlòng in, hòi jà uă ngan bơta pràn geh tàm tiah hơ̆ tơn, lơh geh broă rơndăp lơh di pal mờ bơta krơi is bơh tơl tiah dê.