Đơs tàm dơ̆ lơh broă, Tổng Ƀí thư ồng Tô lâm đơs sùm do là tŭ niam nàng ală ƀòn lơgar in bal mờ gơ̆p kờp sền nền wơl, sền swì wơl bơta niam broă lơh đơng lam, sồr lơh mờ pơlam gùng bơtàu tơngguh ai ƀòn dờng Hồ Chí Minh pa in tàm tơngai tus. Tổng Ƀí thư sồr lơh bàr kơnòl broă jal mhar tŭ do là gàr kơnhăp lơngai dà lơgar, ƀòn lơgar, gàr niam ring lơngai, rơndăp tăp sèng nàng bơtàu tơngguh. Mờ Tổng Ƀí thư kung tơngkah tơrgùm bơta pràn nàng bơtàu tơngguh lơh sa, lơh geh ală jơnau kờñ Pơrjum dờng XIII Đảng dê, ală jơnau lơh nền tàm pơrjum gơrềng bal mờ rơcăng ai Pơrjum dờng XIV mờr tus Đảng dê.

Tổng Ƀí thư đơs niam ngan nùs nhơm lơh ngan bơh ƀòn dờng Hồ Chí Minh mờ ală ƀòn lơgar dê tŭ ơn jơnau kờñ gơguh jơnhoa rlau mờ khà kờp bal bơh jơh gùt lơgar, mơkung sồr ƀòn dờng lơh ngan lơh jăt ngan ngồn jơnau kờñ do tàm 6 nhai lồi nam nàng bơtàu tơngguh uă rài kis làng bol in.