Mpồl duh broă Làng bol càr Dăk Lăk sơn đờm Dơ̆ Pơrjum mìng dùl tơngu me dơ̆ sơnrờp
Thứ năm, 08:40, 17/07/2025 Cau mblàng Ndong Brawl/VOV Cau mblàng Ndong Brawl/VOV
VOV4.K'Ho- Drim òr (16/07), Mpồl duh broă Làng bol càr Dăk Lăk khoă X, tơngai lơh broă bơh nam 2021 tus 2026 sơn đờ Dơ̆ Pơrjum mìng dùl tơngu me dơ̆ sơnrờp nàng di tŭ bơsong kal ke, lơh gơs adăt boh lam ai mpồl lơh broă gơnoar atbồ bàr kấp in lơh broă geh cồng nha.

Pơrjum tơrgùm sền wơl, ai geh jơnau lơh nền uă tơngu me jal mhar bè: lơh wơl broă rơndăp bơcri priă dà lơgar, bơtơl rơndăp broă kes priă tă sùm ai ală broă lơh jơnau kờñ dà lơgar in, tơlik broă dong kờl kwang bàng, kông cứk lơh broă tàm anih lơh sră pơ-àr gơnoar atbồ lơgar pa mờ lơh broă rơndăp lơh bơtàu tơnguh 6 nhai lồi nam 2025.

Mò Cao Thị Hoà An, Phó Ƀí thư Duh broă sùm Tỉñ ủy, Củ tịc Mpồl duh broă Làng bol càr Dăk Lăk đơs nền, tơnơ̆ mờ tŭ lơh jăt broă lơh gơnoar atbồ bàr kấp bơh ngai 01 nhai 7, mpồl lơh broă neh lơh kơl jăp. Củ tịc Mpồl duh broă Làng bol càr sồr ală cau ala măt tơnguh uă kơnòl, cri bơyai nền nòn, pơgồp bal jơnau đơs niam niam nàng tơlik jơnau lơh nền tàm pơrjum di mờ mùl màl, pơgồp bal tàm broă bơtàu tơnguh kơl jăp mờ tơnguh nùs nhơm pin dờn bơh làng bol dê.

Cau mblàng Ndong Brawl/VOV

Viết bình luận

TIN CÙNG CHUYÊN MỤC