Tàm dơ̆ tìp mat tơm boh bơr, ală mpồl lơh sa kă bro neh yal 66 jơnau dan, jơnau đơs gơ wèt ală broă: priă jền, anih priă jền, ù tiah, dia, bơcri priă, logistics, sră pơ-àr gơnoar atbồ. Bàr pe jơnau sồr geh pơn rơ ngan bè dan ai càn priă dong kờl priă cồng gơ wèt mờ mpồl lơh sa kă bro bơcri priă lơh phan bơh suơn sre sàng goh, ai càn priă jat tàm bơta priă mờ phan bơna lơh gơs tàm tơnơ̆ do, ờ sa priă dia halà tơrmù priă dia gơguh tai ai kơphe gar tơlir in, dong kờl bơtàu tơnguh tiah tam phan, gàr kơ̆ kơljap mờ sồr ngui măi mok lơh gơlik phan.

Củ tịc Anih duh broă Làng bol càr Gia Lai ồng Phạm Anh Tuấn hơ pơrgon rơp sền sơ wì, bơsong ală jơnau dan bơh mpồl lơh sa kă bro dê, hơ pơrgon lam lơh jat ală jơnau lơh nền tàm pơrjum bè tam gơl anih bơcri priă, tam gơl pa bơceh lơh, tam gơl sồ, dong kờl mpồl lơh sa kă bro dềt mờ di mơ. Bơdìh hơ̆ tai, càr Gia Lai rơp ai lài priă bơcri dong kờl lơh sa mờ măi mok, ngui jak chài măi mok, hòi jà kă bro phan, bơsong bơta gơ kòl bè phan bơna, bơtàu tơnguh tiah lơh sa mờ măi mok, kụm lơh sa mờ măi mok mờ gàr pờ tơlik ồs đèng sùm, sơlơ bơto bơtê cau lơh broă gơ jat bal mờ bơta geh ngan lơh sa, lơh pràn tơrbŏ bal mpồl lơh sa kă bro mờ hìu bơsram.