Tus bal mờ đơs tàm pơrjum dờng, Phó Củ tịc lơgar mò Võ Thị Ánh Xuân cih dờp mờ đơs niam ală cồng nha lơh geh bơh cau lơh broă bơh Gah lơh mờ măi mok Chah – phan kuơ tàm ù Việt Nam dê. Bơdìh mờ ală cồng nha lơh geh, TKV kung kờñ pal song dơpă sền sơ wì ală bơta gam ờ niam, bè: bơta ờ hềt ring bal tàm broă lam lơh srơh tàm bàr pe mpồl, halà broă ngui măi mok yal tơnggit jơnau gam lơyài.

Phó Củ tịc lơgar mò Võ Thị Ánh Xuân sồr TKV tàm tơngai bơh nam 2025 tus nam 2030 pơn jat tai đòm jat bơhiàn kuơmàng “Jơnau pal jat mờ dồ nùs bal”, lam lơh gơtùi ală jơnau kờñ bơh Jơnau lơh nền tàm pơrjum dờng Đảng ƀộ Tập đoàn dơ̆ IV dê neh ai tơlik. Tơrgùm tàm ală srơh tàm pơrlòng gơ jat bal mờ tam gơl sồ, tam gơl pa broă lơh sa, gàr lơngăp lơngai lơh broă mờ tơnguh niam rài kis cau lơh broă. Kuơmàng, pal sền gròi tus broă git gŏ, bơto pơlam cau pa, pà phan ƀàn di tŭ, loh làng, ai lài cau lơh broă tơn in, pơnđơl pràn tơnguh bơh 5 tus 10% mpồl bal, cau nă să is geh jờng rơ pơn drờm mờ tŭ tơngai lài.