Đơs tàm pơrjum, Củ tịc lơgar ồng Lương Cường pà git, Đảng, Dà lơgar, ală kâp ủy, gơnoar atbồ tàm ƀòn lơgar sùm iat, sền dờng màng mờ cih dờp jơnau đơs bơh ƀòn lơgar, bơh ală ci ƀộ bè Ci ƀộ Quảng Chính 6. Ală jơnau dan, jơnau đơs bơh ƀòn lơgar rơp geh tơrgùm jơh, kơlôi sơnơng nàng drơng ai broă ai tơlik lài gùng dà, broă lơh, bơta dong kờl ngai sơlơ di mờ bơta geh ngan mờ drơng wơl niam rlau jơnau sồr bơh bơta geh ngan dê. 

Củ tịc lơgar sồr càr Quảng Ninh pơn jat tai sơlơ đơng lam, sồr lơh, sền gròi tơnguh pràn jak đơng lam bồ mờ bơta pràn lơh broă bơh mpồl lơh broă đảng tàm ƀòn lơgar dê, lơh niam kơnòl broă đơng lam bồ, ai tơlik lài bồ tơnguh ai ală đảng viên in, mờ kung đơng lam, pơn jờng, lơh krơh lài gơ wèt mờ làng bol, ngan là ală tiah rềp làng bol tơn ngan rlau jơh, ală tiah gam uă kal ke, tiah nhàr lơgar, tiah sar lơgar ngài, ngui pràn, ring bal, geh cồng nha gơnoar broă đơng lam bồ bơh Đảng dê tàm kâp hơ đơm.