Nàng lơh geh ală jơnau kờñ sồr lơh, ală ƀộ gah geh jơnau dan lam lơh mơ tơn bàr pe broă lơh, bè: ai priă 100% broă rơndăp lơh priă bơcri dà lơgar tơngai di mơ neh geh jàu; pơn jăt tai lam lơh jăt Jơnau lơh nền tàm pơrjum 68 Ƀộ Cíñ trị dê bè bơtàu tơngguh lơh sa làng bol dê lơh is; đơng lam lơh jăt broă lơh dong kờl priă jền tơm rơcăng lài, crăp rơcăng, di tŭ, geh cồng nha; tă bơsong ai ală rơndăp broă lơh gam gơkòl; pơnđơl tus jơh nam 2025 lơh sir jơh rlau 100 rbô nơm hìu ơm mpồl bơtiàn, 3 rbô kơi sồ gùng rơndeh lòt mhar mờ sồr lơh tam gơl wơl ală Adăt, tàm hơ̆ geh Adăt ù tiah…

Jơnau đơs pơndŭt pơrjum, Thủ tướng đơs loh 16 mpồl lơh kơnòl broă, broă lơh tờm kwơmàng. Thủ tướng sồr jơh ală anih lơh broă cíñ trị pal mŭt lơh broă bal mờ bơta jơh nùs lơh ngan uă, lơh ngan dờng, lơh broă kràñ cê jơh nùs, geh cồng nha, lơh broă lơi sir broă hơ̆. Anih priă jền Dà lơgar sồr gàr kơnhăp tàm pơndrờm giă priă, pơnđơl lơh ngan pơn jăt tai tơrmù priă cồng, dong kờl lơh sa kă bro mờ broă lơh broă sa ai làng bol in. Ală ƀòn lơgar lơh jăt niam rlau tai nùs nhơm rơcăng lài, bơceh lơh, tơrgùm tơn jơh hìu ing, hìu ồm sèt ñhăt dà mìu tàm jơh gùt lơgar lài mờ ngai 31/08 do…