Mho ngai 16/7, Phó Thủ tướng ồng Trần Hồng Hà đơng lam dơ̆ pơrjum tơn pơgồp bal mờ pờ tơlik tơn tàm internet mờ 22 càr, ƀòn dờng nàng iat jơnau yal bè jơnau sồr bơ tơl rơndap lơh Adat tam gơl, bơtơl bàr, pe bơta bơh ală Adat boh lam dê tàm gah broă lơh sa suơn sre mờ tiah ơm kis tàm Broă lơh lơh adat boh lam nam 2025 bơh Quôk hội khoă XV dê. Rơndap lơh Adat tam gơl, bơ tơl bàr pe bơta bơh 16 Adat boh lam dê tàm gah broă lơh sa suơn sre mờ tiah ơm kis geh pe mpồl tơngume tờm: tam gơl, bơtơl nàng rơndap tap sèng mpồl cau lơh broă sră pơ àr gơnoar atbồ, gơnoar atbồ ƀòn lơgar 2 kâp mờ tam pà gơnoar, tam pà kâp; lơh ƀuơn sră nggal gơnoar atbồ, tơrmù ƀà ală bơta pal geh nàng bơcri priă kă bro mờ bơsong mơ tơn bơta jal mhar, gơ kòl, bơta ờ niam gơlik geh bơh mùl màl. Đơs pơn dut dơ̆ lơh broă, Phó Thủ tướng ồng Trần Hồng Hà sồr Ƀộ Broă lơh sa suơn sre mờ Tiah ơm kis cih dờp wil tơl ală jơnau đơs tă pơgồp bơh ală tiah, ƀộ, gah broă lơh dê, mhar lơh sir tơngume rơndap lơh Adat boh lam.