Broă lơh do hòi jà rơlao 200 nă kwang bàng bơh ală lơgar bal mờ lơgar Việt Nam, tàm geh kwang đơng lam ală tập đoàn, mpồl lơh sa kă bro dờng bơh 21 gah lơh sa APEC dê. Pơrjum tơrgùm cri bơyai ală tơngu me kwơ màng bè: kă bro phan, bơcri priă, lơh sa sồ, tam gơl tơlir, priă jền kơl jăp, mpồl ai phan, ngăc ngar kòn bơnus lơh gơs, lơh sơnơm ngăc ngar…

Đơs tàm dơ̆ sơn đờm pơrjum, Củ tịc lơgar đơs niam tơngu me cri bơyai bơh pơrjum dơ̆ do dê, mờ đơs là do là ală broă ai lài dờng ngan tàm broă bơtàu tơnguh lơgar Việt Nam dê tus nam 2030, wèt tus nam 2045. Củ tịc lơgar đơs nền lơgar Việt Nam gam lơh mhar broă lơh niam gùng dà broă lơh, lơh gơs adăt boh lam mờ bơ̆t bơtàu tiah bơcri priă ndrờm bal, kơl jăp, ai tơl bơta ƀuơn nàng mpồl lơh sa kă bro tàm lơgar mờ lơgar bơdìh in.