Đơs pơn dŭt pơrjum, Tổng Ƀí thư ồng Tô Lâm đơs niam broă lơh ngan bơh Đảng ủy Cíñ phủ, Đảng ủy Ƀộ Adăt boh lam, Đảng ủy Ƀộ Priă jền, Đảng ủy Ƀộ Bơta chài mờ Măi mok pa bal mờ Đảng ủy ală ƀộ, gah lơh broă dà lơgar tàm tơngai ờ jŏ neh lơh gơs mpồl broă lơh uă, kal ke mờ ai geh ală gùng dà broă lơh nàng bơsong kal ke, gơkòl tài jơnau geh ai tàm adăt boh lam dê.

Lài ngan, ală tiah kòl neh geh gŏ pal geh bơsong mơ, bơsong jơh, ờ lời pơn jăt tai lơh gơkòl bơtàu tơnguh mờ lam geh bơta pràn. Tàm tơngai tus, dan, Đảng ủy Quốk hội, Đảng ủy Cíñ phủ sồr bơtơl tai ờ uă Rơndăp broă Adăt boh lam geh kwơ tàm Broă lơh adăt boh lam nam 2025 Quốk hội dê, ring bal tàm Pơrjum dơ̆ 10 Quốk hội khoă XV nàng bơsong mơ ală bơta gơkòl gơrềng tus Adăt boh lam; Đảng ủy Cíñ phủ sồr pơn jăt lơh gơs cồng nha sền wơl, gàr di gùng dà broă bơsong ală kal ke, gơkòl yal neh geh dờp tàm tơngai do.