Mpồl broă dơ̆ 1 gơwèt gah bơto bơtê mờ bơsram mờ ală tơngume tơrgùm tàm bơta geh ngan mờ gùng dà broă lơh bơtàu tơnguh, yờ tơnguh cồng nha bơto bơtê Đại họk  pơgồp bal mờ jơnau sồr bơto bơtê mpồl lơh  broă jak, lơh geh jơnau kờñ bơtàu tơnguh lơh sa- mpồl bơtiàn; Lơh jat jơnau cih bơh adat boh lam dê bè bơto bơtê tai, bơsram tai. Bal mờ hơ̆ là broă lơh gàr niam tiah bơto bơtê lơngăp lơngai, niam, rềp mềr; rcang lài kơryan lơh pờng tàm hìu bơsram; gàr nam bơta sàng goh phan ngui sa tàm hìu bơsram. Mpồl broă dơ̆ 2 bè gah priă jền, geh gùng dà broă lơh bè broă lơh priă jền ai bơtàu tơnguh lơh sa- mpồl bơtiàn, gàr niam jơnau kờñ gơguh lơh sa.

Bơdìh mờ hơ̆ là broă lơh tơnguh uă cồng nha lơh broă bơh mpồl lơh sa kă bro Dà lơgar; broă lơh dong kờl, sơlơ tơnguh tai bơtàu tơnguh lơh sa làng bol dê lơh is; broă lơh chồl pràn gơ hòi gơ jà priă bơcri mờ lơgar ndai tơn (FDI); Broă lơh, broă dong kờl sơlơ tơnguh, gơ hòi gơ jà bơcri priă, bơtàu tơnguh ală tiah lơh sa mờ măi mok, tiah lơh sa.