Tơn jơh hìu ing, hìu ồm sèt ñhăt dà mìu geh rlau 95,3%
Thứ năm, 14:15, 10/07/2025
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K'Ho- Tus tŭ do, jơh gùt lơgar neh dong kờl lơh pa mờ lơh niam wơl geh rlau 264 rbô nơm tàm 274 rbô nơm hìu (lơh geh rlau 95% broă rơndăp lơh). Uă càr, ƀòn dờng neh geh broă lơh rơcăng lài, bơceh lơh, hòi tơrgùm tai ală bơta pràn lơh, geh khà uă ngan halà sơrlèt tơngai jàu.
Do là jơnau yal geh ồng Đỗ Văn Chiến, Củ tịc Anih duh broă Mặt trận Dà lơgar Việt Nam pà gĭt tàm Pơrjum ngai 09 nhai 07. Dà lơgar mờ ală mpồl lơh broă mpồl bơtiàn neh bơcri priă rlau 17 rbô 800 tơmàn đong, hòi tơrgùm rlau 100 rbô nă cau tus bal dong kờl cau rƀah lơh pa mờ lơh niam wơl hìu ơm. Neh geh 18 càr, ƀòn dờng lơh gơs broă lơh. Gam 16 càr rơ̆p lơh gơs jơh tàm nhai 08 tus nàng chờ hờp wă rò Ngai Sơntờm dà lơgar 02/09 mờ Kăc màng Nhai phàm lơh geh cồng nha.
Ồng Đỗ Văn Chiến đơs nền, Srơh tơn jơh hìu ing, hìu ồm sèt ñhăt dà mìu neh mùl màl lơh gơrề uă tŭ uă mpồl gơ wèt Mặt trận dê tus bal, lơh geh bơta pràn, pơgồp bơnah rề ơnàng lơh uă bơta pràn dong kờl ală rài kis kal ke.
Viết bình luận