Sàh Ea Tul lài mờ tŭ tơrgùm dùl là dùl tàm 6 sàh sơn rờp bơh càr Dăk Lăk dê tơl khà ƀòn lơgar pa. Tơnơ̆ tŭ tơrgùm dùl, sàh geh khà kờp làng bol 34 rơbô nă, geh 12 jơi bơtiàn; rlau nggùl khà kờp làng bol là cau Rơđê. Priă lơh geh kờp bal dùl nă cau gùt sàh tàm nam 2025 kờp dŭ geh rơlao 60 tơlak đong.

Đảng ƀộ sàh tŭ do geh 58 mpồl lơh broă Đảng gơ wèt Đảng ƀộ, mờ mờr 900 nă đảng viên. Tơngai lơh broă bơh nam 2025 tus nam 2030, Đảng ƀộ sàh Ea Tul git nền jơnau đơs “Bơtàu tơnguh lơh sa – mpồl bơtiàn là tờm, bơt bơtàu Đảng là kuơ màng, bơtàu tơnguh niam chài là bơnàng jă, sền gàr dà lơgar, lơngap lơngai là dờng màng, lơh sùm”, lơh ngan gơs là sàh ƀòn lơgar pa lơh lài bơh càr Dăk Lăk dê, priă lơh geh kờp bal dùl nă cau nam 2030 geh 77 tơlak đong.