Jăt jơnau yal, 1 nhai do, kấp ủy, gơnoar atbồ kấp sàh tàm càr Gia Lai neh di tŭ a geh sră nggal sồr lơh, đơng lam; lơh gơs broă ai cau lơh broă, hìu lơh broă bal mờ phan lơh broă nàng lơh broă tàm ală Anih tờm drơng broă sră pơ-àr gơnoar atbồ dà lơgar. Mpồl lơh broă dờp sră nggal tàm ală anih tờm drơng broă lơh sră nggal lơh broă geh cồng nha, mờ rơlao 163 rơbô pang sră neh geh dờp; khà bơsong di tơngai geh 97,65%...

Mơya, tus tŭ do ală sră nggal bơto sồr gơwèt mờ kấp sàh gam tàm bơrlŭ bal, cau lơh broă ờ tơl, tàm hơ̆ uă ngan là kwang bàng lơh broă mìng gah măi mok pa. Phan bơna tàm uă sàh, sơnah ƀòn ờ kơl jăp, phan lơh broă ờ ndrờm bal. tềng đăp mờ bơta mùl màl do, ồng Hồ Quốc Dũng, Ƀí thư Tỉñ ủy càr Gia Lai sồr ală sàh, sơnah ƀòn pơn jăt tai tơnguh, lơh gơs mpồl lơh broă, bơ̆t bơtàu kơrnoăt lơh broă bal mờ gùng dà broă lơh bal mờ broă lơh nền nòn. Ală sờh, gah lơh broă pal pơgồp bal bơyai lơh pờ ală ơdŭ bơsram, bơtơl broă lơh jăt broă lơh “at tê sơn-io broă” ai kwang bàng sàh in; kơlôi sơnơng mờ ai geh gùng dà broă lơh nàng rơwah ha là ntrờn kwang bàng, kông cứk jơnkah bơh ală mpồl lơh broă ndai tus ală tiah gam ờ tơl. Càr rơ̆p tă di pơgăp 250 tơmàn đong nàng dong kờl ală sàh, sơnah ƀòn in blơi, lơh niam wơl phan lơh broă.