Yal jơnau cíñ trị pơrjum dờng dê yal, tơngai lơh broă bơh nam 2020–2025, Đảng ƀộ Ling mpồl 15 neh lơh jat niam uă ngan nùs nhơm rcang lài, bơceh lơh, sơr lèt gan uă kal ke, bơta lòng nàng lơh sir tơl làm ală kơnòl broă cíñ trị geh jàu. Broă lơh bơto pơlam, pơlam tàp, bơt bơtàu gùng dà broă lơh crăp rcang tam lơh geh bơyai lơh niam, pơgồp bal mờ broă lơh rcang gàr lài kơ̆ kơl jăp tàm ù tiah kwơ màng Tây Nguyên.

Đơs đơng lam tàm Pơrjum dờng, Thượng tướng ồng Huỳnh Chiến Thắng -Phó Kwang atbồ tă pơgồp jơnau đơs Ling klàng làng bol Việt Nam jờng rơ uă ngan ală cồng nha mờ Ling mpồl dê neh lơh geh tàm tơngai lơh broă pa do mờ sồr Đảng ƀộ pơn jat tai gàr kơ̆ gơnoar là mpồl ling tờm tàm lơh jat kơnòl broă sền gàr Dà lơgar- lơh sa tàm ù tiah kwơ màng Tây Nguyên dê. Tơngai lơh broă bơh nam 2025-2030, Ling mpồl 15 sền gĭt pơn jat tai tơnguh uă cồng nha lơh sa- kă bro; tam gơl niam rài kis cau lơh broă in; gàr niam broă lơh jat jơnau pal jat, duh rơngòt kơrnoat boh lam, mơkung tam gơl pa, tơnguh uă bơta pràn jak đơng lam, bơta pràn tam lơh bơh mpồl Đảng dê pơgồp bal mờ bơt bơtàu mpồl ling “lơh krơh niam, pơn rơ jak”.