Jăt gùng dà broă rơndăp tăp sèng mpồl lơh broă sră pơ àr kấp kơnhoàl mờ kấp sàh, pơrjum neh ring bal tơn jơh lơh broă bơh 17 đảng ƀộ kấp kơnhoàl, ƀòn drà dờng, ƀòn dờng dê mờ crơng gơs 77 đảng ƀộ sàh, sơnah ƀòn.

Càr Gia Lai kung lơh nền rơndăp tăp sèng, khà cau lơh broă mpồl kwang bàng mpồl lơh broă đảng ủy kấp sàh tơnơ̆ tŭ rơndăp tăp sèng. Tơl đảng ủy kấp sàh rơ̆p crơng gơs 3 anih lơh broă mìng dùl kơnòl pơlam, dong broă. Ală sàh, sơnah ƀòn geh hìu lơh broă anih tờm cíñ trị kấp kơnhoàl rơ̆p crơng gơs tai anih tờm cíñ trị gơwèt đảng ủy. Tỉñ ủy càr sồr ală mpồl lơh broă mhar lam lơh ală broă pơn jăt tai, nàng ală đảng ƀộ sàh, sơnah ƀòn pa mŭt lơh broă mùl màl bơh ngai 01 nhai 7 nam 2025.