Drim ngai 11/06, Quôk hội khoă XV sơnđờm mŭt tàm dơ̆ bàr Dơ̆ pơrjum dơ̆ 9, mờ digơlan geh lơh bơh tŭ do tus jơh ngai 27/06 do. Tàm dar lơh broă drim ngai 11/06, Quôk hội iăt sră sền, jơnau yal lùp sền mờ cribơyai tàm jơnum bè bàr pe jơnau rơcăng cih jơnau lơh nền tàm pơrjum, rơndăp broă lơh adăt, tàm hơ̆ geh Ală jơnau neh lơh nền rơndăp tăp sèng mpồl lơh broă sră pơ àr gơnoar ătbồ kâp càr.

Jăt Ală jơnau neh lơh nền, Cíñ phủ dan 23 broă rơndăp lơh rơndăp tăp sèng bal mờ 52 càr, ƀòn dờng, lơh gơs 23 càr, ƀòn dờng pa, gàr bè ờs 11 mpồl lơh broă, ai kờp jơh gùt lơgar gam 34 càr, ƀòn dờng. Kờp jơh cau lơh broă sa priă nhai dà lơgar ală anih lơh broă, mpồl lơh broă kâp càr rơndăp tăp sèng là rlau 447 rbô nă. Ală cau ala măt sền bal ring bal mờ ală broă rơndăp lơh, sền swì broă cih Ală jơnau neh lơh nền jăt di jơnau sồr bơh Dà lơgar dê, dipal mờ Jơnau lơh nền tàm pơrjum sồ 60 nam 2025 bơh Pơrjum dờng Dà lơgar 11, khoă XIII dê.