Gơ wèt mờ broă lơh rơndăp tăp sèng, tơrmù dipal mpồl lơh broă, lam lơh broă lơh gơnoar ătbồ ƀòn lơgar 2 kâp, Pơrjum sền swì broă lơh do lơh jăt niam, di tơngai. Is ồn, ală ƀòn lơgar neh rơcăng lài geh tŭ tơngai lam lơh loh làng, tơrgùm tàm broă lơh cíñ trị, bồ tơngoh nàng kơ̆ kơl jăp hwềng nùs kwang bàng, đảng viên kong gơrềng tơn dê.

Đơs tàm pơrjum, ồng Hồ Văn Niên, Ƀí thư Tỉñ ủy càr Gia Lai đơs sùm: Pơrjum dơ̆ 20 Mpồl Duh broă Đảng ƀộ càr khoă XVI ờ mìng là tŭ nàng sền wơl cồng nha lơh broă 6 nhai bồ nam mờ gam là broă rơcăng kwơmàng ai tŭ tơngai tàm jàu kah yau in.