Củ tịc lơgar ồng Lương Cường lơh broă mờ Cơldŭ lơh broă Củ tịc lơgar bè kơnòl broă tờm kwơmàng lơh broă nhai 07 nam 2025
Thứ sáu, 13:44, 27/06/2025 Cau mblàng: Lơ Mu K'Yến/ VOV Cau mblàng: Lơ Mu K'Yến/ VOV
VOV4.K'Ho- Mho ngai 26/06, tàm Hìu duh broă Củ tịc, ồng Lương Cường, Củ tịc lơgar neh geh dơ̆ lơh broă mờ Cơldŭ lơh broă Củ tịc lơgar bè cồng nha lơh jăt kơnòl broă lơh broă nhai 06 mờ lam lơh jăt kơnòl broă tờm nhai 07 nam 2025.

Củ tịc lơgar cih dờp, jờng rơ Cơldŭ lơh broă Củ tịc lơgar neh tă pơgồp jơnau đơs, dan mờ đơng lam Dà lơgar lơh nền jờng rơ di tŭ ai ală mpồl cau, cau nă să is in nàng jờng rơ tàm ală broă kwơmàng; jờng rơ drơng broă rơndăp tăp sèng, tơrmù dipal mpồl kwang bàng mpồl lơh broă bơh ală anih lơh broă cíñ trị dê, lơh jăt broă lơh gơnoar ătbồ ƀòn lơgar 2 kâp.

Bè gùng dà, kơnòl broă tàm tơngai tus, Củ tịc lơgar tơngkah, bal mờ ală tŭ niam, bơta ƀươn, yal lài rơ̆p geh uă jơnaun kal ke, bơta lòng gơrềng tus lam lơh, lơh broă broă lơh gơnoar ătbồ pa, bơnah broă uă; gơ sồr Cơldŭ lơh broă Củ tịc lơgar pal lơh jăt uă ngan rlau jơh nùs nhơm rơcăng lài, ngăc ngar tàm broă geh broă lơh broă rơndăp lơh; mơkung jơh nùs gĭt geh broă, kơlôi sơnơng mờ pơgồp bal, rơcăng nàng di tŭ tă pơgồp jơnau đơs ală tơngume rềp mềl mờ bơta geh ngan, geh bơta jrô ơnàng, lơh di tơngai mờ cồng nha broă lơh drơng đơng lam Đảng, Dà lơgar in.

Cau mblàng: Lơ Mu K'Yến/ VOV

Viết bình luận

TIN CÙNG CHUYÊN MỤC