Mờ 30 broă lơh sùm, uă ngan tàm 3 ngai bơh dơ̆ lòt lơh broă dê, mpồl Việt Nam neh lời wơl tềl lời wơl mờ tă pơgồp kwơ màng tàm cồng nha bal bơh Pơrjum ờs mờng pah nam ală cau lam lài dơ̆ 16 bơh Cribơyai lơh sa dunia dê. Tàm tơngai tus bal pơrjum, Thủ tướng Cíñ phủ neh geh dơ̆ tìp mat kấp dờng, tìp mờ uă kwang đơng lam bồ Dà lơgar, cau lam bồ Cíñ phủ, đơng lam bồ ală lơgar kung bè ală lơgar lơh broă bal, mpồl lơh sa kă bro...

Pal sền gròi ngan là, Thủ tướng neh geh dơ̆ cribơyai kấp dờng jrô ơnàng làm uă mờ Thủ tướng lơgar Lo ồng Lý Cường nàng kờñ sơlơ tơnguh tai bơta pin dờn cíñ trị, pờ ơnàng lơh broă bal ngan ngồn mờ sền gròi niam rlau tai bơta ờ ring bal, ai bơta gĭt gơ̆p tam klăc lơh broă bal kwơ màng tơl làm, Mpồl bơtiàn tam pà bal rài tơnơ̆ do Việt Nam mờ Lo geh gơtha kwơ màng bơtàu tơnguh kơ̆ kơl jăp, niam, geh cồng nha mờ jŏ jòng.