Đơs tàm dơ̆ bơyai lơh, Củ tịc Anih duh broă Làng bol càr Dăk Lăk ồng Tạ Anh Tuấn đơs sùm gơnoar broă dờng màng ngan bơh gah lùp sền dê tàm bơ̆t bơtàu mpồl lơh broă gơnoar ătbồ sàng goh song dơ pă, lơh broă gơtùi mờ geh cồng nha. Ồng dòn kơnờm Cau Lam bồ pa Lùp sền rơ̆p đòm jăt nùs nhơm geh kơnòl, tơngguh uă cồng nha broă lơh rơcăng, dră wơl sa kwề sa kwà, pơhì pơhà, bơsong jơnau lùp, jơnau yă. Củ tịc càr kung jàu kơnòl broă ai gah lùp sền in mhar sền swì nền wơl sră nggal kơrnoăt boh lam, bơ̆t bơtàu pràn kơldang tam klăc dơlam is mpồl, tơngguh uă bồ tơngoh jak chài broă mờng lơh, nùs nhơm bồ tơngoh kwang bàng.

Ồng Hồ Duy Thành geh sră cơng tàng Jơh bơsram đại học Lơh sa, đại họk Adăt boh lam, Thàk sìh Cribơyai jơnau tàm sră pơ àr mờ Jơnau kah yau Dà lơgar mờ Kơrnoăt boh lam, Kâp dờng Cribơyai jơnau tàm sră pơ àr cíñ trị. Lài mờ tŭ ăt gơnoar broă pa, ồng Hồ Duy Thành là Ƀí thư Huyện ủy kơnhoàl, Củ tịc Mpồl duh broă Làng bol kơnhoàl M’Drăk mờ Phó Cau drơng kơnòl Duh broă sùm Anih duh broă Sền swì Tỉñ ủy càr Dăk Lăk.