Pơrjum pơgồp bal tàm broă lơh gơs gùng dà broă lơh nàng tơrlòng lơh gơnoar atbồ bàr kấp lơh broă geh cồng nha. Anih duh broă Làng bol càr Gia Lai gam lơh mhar broă lơh ală rơndăp broă lơh phan bơna tờm bè: gùng par sồ 2 tàm Ƀlàng rơndeh par Phù Cát; gùng rơndeh lòt mhar Quy Nhơn – Pleiku; Tiah lơh sa mờ măi mok mờ anih ơhò ơm Phù Mỹ; Tiah lơh broă drơng ala CK54; mờ Tiah lơh sa mờ măi mok đah Jum sơnah ƀòn Pleiku.

Ƀí thư Tỉñ ủy càr Gia Lai ồng Hồ Quốc Dũng sồr sền wơl jơh khà broă, kơnòl broă, tam pà loh làng cau, loh làng broă, loh làng kơnòl; mờ pơgồp bal sền ală jơnau lơh nền tàm pơrjum, gùng dà broă lơh neh geh ai bơh càr Gia Lai bal mờ Bình Đình lài do dê nàng sền wơl cồng nha tàm rơndăp broă lơh sră pơ-àr gơnoar atbồ lơgar pa tơnơ̆ tơrmŭt bal.