Đơs tàm pơrjum, Thủ tướng Cíñ phủ ồng Phạm Minh Chính đơs là, tiah làng bol jơi bơtiàn dồ ết nă cau mờ tiah kơh bơnơm là tiah kal ke bè lơh sơnơm, bơto bơtê, sàng goh tiah ơm kis, bơhiàn bơrngơl gơla, broă lơh... Den tàng pal sền dờp niam ngan, song dơ pă, broă neh lơh geh, ală broă ờ hềt lơh geh, di tŭ bơsong, ai tơlik jơnau bơsram mờng chài rơ̆ ru nàng sồr lơh niam rlau tai nàng cèng wơl rài kis niam rlau tai ai làng bol in.

Thủ tướng kơ̆p kờñ tàm tơngai lơh broă tus, broă lơh jat Broă lơh Jơnau kờñ Dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau mờ tiah kơh bơnơm rơ̆p lơh jat niam rlau tai, ai lài priă jền tơrgùm rlau tai, broă lơh ờs mờng rlau tai, geh cồng nha rlau tai, tam gơl pa broă lơh, lơh di tiah, di anih, lơh broă lơi tơn jơh broă hơ̆ nàng lơh geh rài kis niam rlau tai ai làng bol tiah làng bol jơi bơtiàn dồ ết nă cau mờ tiah kơh bơnơm in.