Anih duh broă Làng bol càr Gia Lai pa tơlik Jơnau lơh nền tàm pơrjum nàng kĭ Rơndăp broă bơtàu tơnguh mờ tơnguh uă bơta niam broă bơto bơtê tàm ală hìu bơsram jơi bơtiàn ơm tơn, ơm ngai tơngai bơh nam 2025 tus 2030, mờ kờp jơh priă lơh rơlao 728 tơmàn đong.

Rơndăp broă wèt tus gơnoar bơsram sră ai kơnòm bơsram jơi bơtiàn ờ gal cau in, ai geh cau lơh broă jăk nàng drơng broă bơtàu tơnguh lơh sa mpồl bơtiàn tiah ngài in. Càr ai jơnau kờñ tơnguh kơnòm bơsram kấp pe jơi bơtiàn ơm tơnrơ̆p gơguh rơlao 1 rơbô 500 nă tàm nam bơsram 2028-2029. Càr kung tơrgùm tơnguh uă bơta niam broă bơto bơtê cau pơgru, tàm ơ̆ uă ngan là cau pơgru bơto dà đơs kòn cau Jrai, Bơnhàr; tơnguh wèt broă lơh, bơto bơtê bơta git wă kis, mờ prăp gàr bơta niam chài jơi bơtiàn.