Củ tịc Quôk hội kĭ ai lơh jat 34 jơnau lơh nền tàm pơrjum bè rơndap tap sèng ală mpồl lơh broă sră pơ àr gơnoar atbồ kâp sàh bơh 34 càr, ƀòn dờng
Thứ ba, 14:00, 17/06/2025 Cau mblàng: K'Duẩn/ VOV Cau mblàng: K'Duẩn/ VOV
VOV4.K'Ho- Mho òr (16/06), Củ tịc Quôk hội ồng Trần Thanh Mẫn neh kĭ ai lơh jat 34 jơnau lơh nền tàm pơrjum bơh Anih duh broă Lơh kơnòl broă sùm Quôk hội dê bè rơndap tap sèng ală mpồl lơh broă sră pơ àr gơnoar atbồ kâp sàh bơh 34 càr, ƀòn dờng dê.

Tơnơ̆ tŭ rơndap tap sèng, càr Dăk Lăk geh 102 mpồl lơh broă sră pơ àr gơnoar atbồ kâp sàh, geh 88 sàh mờ 14 sơnah ƀòn, tàm hơ̆ geh 82 sàh, 14 sơnah ƀòn crơng gơs tơnơ̆ rơndap tap sèng, lam lơh tam gơl mat sơnđan mờ 6 sàh ờ lam lơh rơndap tap sèng là ală sàh Ea H’leo, Ea Trang, Ia Lốp, Ia Rvê, Krông Nô, Vụ Bổn. Tơnơ̆ tŭ rơndap tap sèng, càr Gia Lai geh 135 mpồl lơh broă sră pơ àr gơnoar atbồ kâp sàh, geh 110 sàh mờ 25 sơnah ƀòn; tàm hơ̆ geh 101 sàh, 25 sơnah ƀòn crơng gơs tơnơ̆ rơndap tap sèng mờ 9 sàh ờ lam lơh rơndap tap sèng là ală sàh Ia O (kơnhoàl Ia Grai), Nhơn Châu, Ia Púch, Ia Mơ, Ia Pnôn, Ia Nan, Ia Dom, Ia Chia mờ Krong.

Tơnơ̆ tŭ rơndap tap sèng, càr Lâm Đồng geh 124 mpồl lơh broă sră pơ àr gơnoar atbồ kâp sàh, geh 103 sàh, sơnah ƀòn, 1 tiah is ồn; tàm hơ̆ geh 99 sàh, 20 sơnah ƀòn, 1 tiah is ồn geh crơng gơs tơnơ̆ rơndap tap sèng, tam gơl mat sơnđan mờ 4 sàh ờ lam lơh rơndap tap sèng là ală sàh Quảng Hòa, Quảng Sơn, Quảng Trực mờ Ninh Gia. Ală anih lơh broă jat gơnăp gơnoar mhar lam lơh ală broă lơh rơcang lài pal geh, gàr niam nàng gơnoar atbồ kâp hơ đơm tàm ală mpồl lơh broă sră pơ àr gơnoar atbồ kâp sàh crơng gơs tơnơ̆ rơndap tap sèng ngan ngồn lơh broă bơh ngai 01/7/2025.

Cau mblàng: K'Duẩn/ VOV

Viết bình luận

TIN CÙNG CHUYÊN MỤC