VOV4.K'Ho - Broă lơh neh jàu 103 bơnah priă dong kờl bơsram mờ khà 1 tơlak đông dùl bơnah pà ai kơnòm bơsram geh rài kis kal ke bơsram jak, khà 1 tơlak 500 rbô đông dùl bơnah ai kơnòm bơsram kòn đời in.

VOV4.K'Ho - Mpồl bơyai lơh neh jàu 200 rbô pang sră cih, pà mờr 15 rbô 600 nă kơnòm bơsram kâp 1 rƀah tàm gùt càr Dăk Lăk in, mờ kờp jơh khà priă mờr 900 tơlak đông.

VOV4.K’Ho- Lòt gan 23 nam kờp bơh ngai tơlik mat, kwang bàng, cau ling Mpồl lòt jòi, tơrgùm ƀồc ntìng cau ling chơ̆t màng, ling dong kờl is mờ kwang bàng jak chài lơgar Việt Nam chơ̆t phi să tàm lơgar Campuchia (K51), Gah đơng lam mpồl ling klàng càr Dăk Lăk neh tơrgùm geh 746 ƀồc ntìng cau ling chơ̆t màng chơ̆t phi să tàm ală rài tam lơh tàm ù tiah lơgar Campuchia dê jun rê wơl tàm lơgar. Gùng lòt hơ̆ geh ală cau ling Mpồl K51 pơn jat tai mờ nùs nhơm lơh ngan uă ngan rlau jơh nàng wă rò cau ling bal chơ̆t phi să rê wơl mờ ù tiah mè dê.

VOV4.K'Ho - Mho ngai 26/6, Mpồl tam klac cau ùr càr Dăk Lăk pơgồp bal mờ Kes priă Sền gàr, dong kờl kơnòm dềt bơyai lơh “Tìp mat, jờng rơ, pà phan ai kơnòm dềt kòn đời in”.

VOV4.K’Ho- Tàm dơ̆ pơrlòng jơh bơsram kấp pe nam 2024 tàm càr Gia Lai, geh rơlao 300 nă ơruh pơnu lơh broă nùs nhơm dong kờl is tus bal dong kờl kàl pơrlòng.

VOV4.K’Ho- Broă gàr niam bơta lơngăp lơngai dơ̆ pơrlòng geh sền gròi ngan.

VOV4.K'Ho- Dơ̆ 2 bơh Pơrjum dơ̆ 7, Quôk hội khoă XV geh lơh tàm poh lài mờ uă tơngume kuơmàng. Tŭ cribơyai tàm hìu pơrjum bè jơnau lơh nền bơcri priă Rơndap broă lơh bơcri priă lơh gùng rơndeh ntoat mhar tiah đah tô – tiah đah jum dà lơgar hờ tiah đah mat tơngai mut gơ Gia Nghĩa (càr Dăk Nông) – Chơn Thành (càr Bình Phước), ală kwang bàng sồr ai gơnoar rơndap broă lơh geh ngui 2, 3 gùng dà, broă lơh krơi is nàng tơnhàu phan kuơ tàm ù ờs mờng lơh phan lơh gùng. Mờ kung sồr tàm pơnring kes priă, ai tơl priă bơcri nàng gàr lam lơh rơndap broă lơh di tơngai pơrgon, lơh gơs tàm lồi nam 2026.

VOV4.K’Ho- Dơ̆ jào Khà jờng Sră ƀăo Dà lơgar dơ̆ 18 geh bơyai lơh di tàm dơ̆ tơnkah 99 nam Ngai sră ƀăo Kăc màng Việt Nam. Do là dơ̆ nàng jờng rơ ală cau cih, jơnau cih sră ƀăo jăk ngan in, geh pơgồp bal pràn tàm broă lơh sră ƀăo dà lơgar đơs is mờ ai broă bơ̆t bơtàu mờ sền gàr Dà lơgar đơs bal. Do kung là dơ̆ nàng pơlam mpồl ală cau lơh ƀăo pal lơh ngan sùm nàng geh bơta pràn bơ̆t bơtàu broă lơh Sră ƀăo kăc màng Việt Nam geh uă nùs nhơm tam dră mờ dong kờl, jăk chài, lơh pa, tài bơta kwơ dà lơgar bal mờ làng bol dê.

VOV4.K'Ho- Mang òr (16/06), Ƀộ cih sră ƀău Kộng sản, Mpồl duh broă sùm Ủy ƀan Mặt trận dà lơgar Việt Nam, Gah đơng lam Mpồl ling sền gàr tiah nhàr lơgar bơh dà lơgar dê bơyai lơh Broă lơh jờng rơ cau geh bơngă pin dờn geh pơn rơ gơguh jak tiah nhàr dà lơgar, bồt dà lềng dơ̆ 2, nam 2024 mờ tơngume “Anih kơp kơnờm bơh ƀòn lơgar dê”.

VOV4.K’Ho- Dơ̆ 2 bơh Pơrjum dơ̆ 7 kờp dŭ jŏ jòng bơh ngai do 17/06 tus ngai 28/06. Quôk hội sền sơ wì ring bal uă rơndăp broă lơh adat, jơnau rcang cih Jơnau lơh nền tàm pơrjum kung bè Jơnau lơh nền tàm pơrjum ală broă kwơ màng gơwèt gơnăp gơnoar.