Jơnau rơcang cih Adat broă lơh jat sền bơh Quôk hội mờ Mpồl duh broă làng bol tam gơl neh geh tam gơl tơl làm, cih loh rlau tai gơnăp gơnoar, kơnòl bơh tơl nă cau tờm jat sền dê. Jat hơ̆, adat tam gơl jơnau cih bè jat sền mìng dùl tơngume bơh Quôk hội mờ Mpồl duh broă làng bol dê jat gùng dà: Quôk hội mờ Mpồl duh broă làng bol ờ lam lơh tơn Mpồl jat sền mìng dùl tơngume.

Đơs tàm dar pơrjum, Củ tịc Quôk hội ồng Trần Thanh Mẫn đơs nền, jơnau kờñ jat sền là lơh sir broă lơh adat boh lam, gàr niam jơnau pal jat mờ tơnguh cồng nha lơh broă bơh Mpồl lơh broă sră pơ àr gơnoar atbồ dê. Mờ kung đơs sùm kờñ pal đal git loh gơnoar jat sền đah Quôk hội mờ Mpồl duh broă làng bol, kung bè đah ală kâp gơnoar atbồ tàm ƀòn lơgar nàng pleh gơ tàm rơndap rơndồl mờ lơh geh cồng nha.