Củ tịc Anih duh broă Làng bol càr Dăk Lăk còp mờ lơh broă tàm sàh tiah nhàr lơgar Ea Bung
Thứ năm, 13:35, 24/07/2025 Cau mblàng: K'Duẩn/ VOV Cau mblàng: K'Duẩn/ VOV
VOV.K'Ho - Drim ngai 23/7, ồng Tạ Anh Tuấn – Củ tịc Anih duh broă Làng bol càr Dăk Lăk neh lòt còp mờ lơh broă tàm sàh tiah nhàr lơgar Ea Bung.

Tơnơ̆ mờr 1 nhai lơh broă jat broă lơh gơnoar atbồ pa, sàh Ea Bung neh pồ tơl mpồl lơh broă sră pơ àr gơnoar atbồ, rơndap ai kwang bàng, cau lơh broă sa priă nhai dà lơgar jat di jơnau sồr. Broă lơh đơng lam, bơsong sră nggal gơnoar atbồ geh lơh niam. Củ tịc Anih duh broă Làng bol càr Dăk Lăk sồr sàh pơn jat tai ngui bơta pràn tàm broă lơh sa suơn sre, ròng phan, brê bơnơm mờ lơh sa kă bro tiah nhàr lơgar nàng tơnguh priă jền lơh geh, pơgồp bơnah tơn jơh jơgloh tơrmù rƀah kơ̆ kơljap. Bơdìh hơ̆ tai, kờñ pal pơgồp bal nền nòn mờ mpồl ling sền gàr tiah nhàr lơgar gàr kơ̆ lơngăp lơngai rơndap tap sèng, sền gàr kơ̆ tiah nhàr dà lơgar dê. Di dơ̆ do, mpồl lơh broă neh lùp còp, pà phan ală cau geh dờp bơta dong kờl bơh mpồl bơtiàn dê mờ kwang bàng, cau ling Pôs ling sền gàr tiah nhàr lơgar mpồng nhàr lơgar Dăk Ruê.

Cau mblàng: K'Duẩn/ VOV

Viết bình luận

TIN CÙNG CHUYÊN MỤC