Tàm ală anih tus, Phó Thủ tướng neh đềt mềr lùp còp pràn kơldang să jan, ai tơnggŏ nùs nhơm kah ưn ngài uă ngan tềng đap ală bơta phi să, bơta tă pơgồp dờng màng ngan bơh ală rơnàng lòt lài dê tài lơngăp lơngai is, khat gơboh bơh dà lơgar dê. Phó Thủ tướng kơp kờñ ală Mè Việt Nam khin cha jak chài, ală cau ling kòp tê jê să pơn jat tai sền gàr pràn kơldang să jan, là krơh niam nàng bơto bơtê bơhiàn ờs mờng kờñ gơboh dà lơgar ai rơnàng kơnòm să in; sồr gơnoar atbồ càr pơn jat tai sền gròi niam rlau tai rài kis cau geh màng mờ dà lơgar in, ngan là ală cau geh rài kis kal ke.