Mpồl duh broă Đảng ƀộ càr Khánh Hoà pa ring bal Jơnau lơh nền tàm pơrjum bè broă lơh bơtàu tơnguh kơnhăp jŏ bơto bơtê mờ bơsram tus nam 2035, sền sơnơng tus nam 2045, nàng kờñ lơh geh bơta tam gơl pràn tàm gah bơto bơtê mờ bơsram, lam Khánh Hoà gơ gơs anih tờm bơto bơtê, jak chài mờ măi mok bơh gùt lơgar dê.

Jơnau kờñ ngan ngồn geh sền gĭt loh: Tus nam 2030, 100% cau pơgru lơh geh tơl bơta gĭt wă bơto bơtê Adat Bơto bơtê; rlau 80% hìu bơsram kấp pe lơh geh tơl jơnau sồr Dà lơgar; khà jơh bơsram kấp pe lơh geh rlau 98%, khà gơ kờn Đại họk mờ Kao đẳng gơwèt mpồl lam lài tiah do dê. Bal mờ hơ̆ là tam gơl pa tơngume, broă lơh bơto bơtê, hời rơ hời ai dà Mỹ gơs dà đơs dơ̆ 2 tàm hìu bơsram, rề ơnàng lơh broă bal ală lơgar mờ gơ hòi gơ jà cau bơsram dờng lơgar ndai tus bơsram. Jơnau lơh nền tàm pơrjum kung ai tơlik broă lơh dong kờl is ồn ai mpồl cau pơgru in, tơnguh uă priă dong kờl broă lơh uă ngan rlau 70% ai cau pơgru, 100% ai cau pơgru tàm tiah kal ke uă, bồt bơlào mờ tiah làng bol jơi bơtiàn dồ ết nă cau.