Tơngai pa do, ală broă lơh neh cèng wơl uă cồng nha niam ngan, pơgồp bơnah sơlơ tơnguh tai bơtàu tơnguh lơh sa- mpồl bơtiàn, bơtàu tơnguh rài kis làng bol dê. Tàm sàh M’Drắk, khà hìu bơnhă rƀah gơmù kờp bal bơh 6 tus 6,5% pah nam; phan bơna bơt bơtàu kwơ màng geh bơcri priă lơh dồ ròt bal, ală thôn, ƀòn ndrờm geh hìu pơrjum mpồl bơtiàn, gùng lòt rê geh lơh mờ bê tông, 100% hìu bơnhă geh gùng che ồs đèng.

Mò Nguyễn Thị Thu Nguyệt – drơng broă Mpồl Cau ala mat Quôk hội càr- cih dờp bơta lơh ngan bơh tiah do dê, mơkung sồr pơn jat tai kờp sền, pồ tơl Mpồl Sồr lơh, lam lơh jat gùng dà “ƀuơn lơh lài, kal ke lơh tơnơ̆” mờ sơlơ tơnguh tai bơto pơlam ai kwang bàng, lam bồ thôn ƀòn in.