Ling mpồl 34 jàu hìu sơn rờp tàm “Broă lơh Quang Trung” tàm càr Gia Lai
Thứ năm, 10:51, 18/12/2025
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho – Drim ngai 17/12, Ling mpồl 34 lam lơh jàu hìu sơn rờp tàm tơngume “Broă lơh Quang Trung” – Broă lơh lơh pa, lơh niam wơl hìu ơm dong kờl làng bol gơtìp hoàc huơr tài trồ tiah lơh aniai tàm tiah tàm gùl lơgar.
Tơnơ̆ mờr 15 ngai lam lơh mờ nùs nhơm “sơrbac mhar lơh, sơrbac mhar lơh gơs”, hìu tàm thôn Chánh Hội, sàh Phù Mỹ, càr Gia Lai neh lơh gơs mờ jàu ai hìu bơnhă mò Tô Thị Sửa (88 sơnam), sơrlèt rlau tŭ tơngai hơ pơrgon ai tơlik. Tŭ lơh hìu, kwang bàng cau ling bơh Ling mpồl 34 dê geh gơnoar broă tờm ngan, tă pơgồp mờr 130 ngai lơh hìu, gàr 3 jơnau kờñ geh jàu là “3 kơldang, 4 kơ̆”.
Jơh gùt càr Gia Lai geh 674 nơm hìu gơtìp ờ diơng jơh tơn tài gơ rềng bơh càl rbut dờng sồ 13 tus tŭ do neh geh sơn đờm lơh pa wơl dồ ròt. Ală hìu gam wơl gam geh lơh di mờ tŭ tơngai hơ pơrgon, kờp dŭ lơh gơs lài mờ ngai 20/01/2026, dong làng bol gờñ bè ờs wơl rài kis, wă rò sa tềp bơhiàn dà lơgar tàm ală hìu pa kơnhăp kơ̆.
Viết bình luận