Nàng lam lơh broă lơh, Kwang àng càr neh sồr 13 Kông ty bơt bơtàu mờ rlau 700 nă cau lơh hìu pah ngai, bal mờ rlau 300 nă kwang bàng, cau ling kwang àng tus bal lơh tơn, tă pơgồp mờr 5 rbô 500 ngai dong kờl lơh hìu. Kwang àng ală sàh, sơnah ƀòn tă pơgồp jơnau đơs dan gơnoar atbồ ƀòn lơgar ai tai 4 rbô 973 dơ̆ cau lơh broă tàm ƀòn lơgar.

Tàm kờp jơh 176 nơm hìu, tus tŭ do neh lơh gơs mờ jàu 106 nơm hìu. Gơ wèt mờ 70 nơm hìu gam wơl, tài ală hìu bơnhă kờñ bơ tơl tai priă nàng rề ơnàng, lơh dờng rlau hìu ơm, Kwang àng càr neh pơgồp bal kờp sền, gàr di cau, di priă jền mờ tơngai hơ pơrgon lơh hìu. Thiếu tướng ồng Phan Thanh Tám, Kwang lam bồ Kwang àng càr Dăk Lăk đơs nền, broă lơh gơs ală hìu sơn rờp tàm tơngai lơyah ờ mìng geh gơtha gàr niam lơngap lơngai rài kis mpồl bơtiàn mờ gam là bơta at tê bal lơh broă bơh mpồl kwang àng, kâp ủy, gơnoar atbồ mờ ală mpồl lơh broă tàm ƀòn lơgar dê tàm sền gròi rài kis làng bol, ngan là ală hìu bơnhă gơtìp gơ rềng tài càl rbut dờng, dà tih dà lìu pa do.