Dơ̆ 2 do, Ling tiah 5 jàu 435 nơm hìu pa, tơnơ̆ tŭ neh jàu 175 nơm hìu tàm bồ nhai 1, ngan ngồn lơh sir “Broă lơh Quang Trung” cồng nha lơh geh jak ngan gờm chờ Pơrjum dờng cau ala mat gùt lơgar dơ̆ 14 bơh Đảng dê. Lơh sir jơh 610 nơm hìu pa mờ 314 nơm hìu lơh niam wơl, Ling tiah 5 tơn jơh “Broă lơh Quang Trung” tàm bơta chờ hờp bơh làng bol tiah dà tih dà lìu, lời wơl tềl lời wơl uă ngan bè rùp hìn “Cau ling Wa Hồ” dê.

Ală kwang bàng, cau ling neh geh mat tŭ kal ke ngan rlau jơh, bal mờ làng bol sơr lèt gan trồ tiah lơh aniai, bè ờs wơl rài kis. Mờ nùs nhơm “Lơh ngai ờ tơl, gơ jal lơh trồ mang”, “mìu ờ ơm rlô, lơh broă ờ ơm”, kwang bàng, cau ling Ling tiah 5 sền broă dong làng bol lơh wơl hìu ơm tơnơ̆ mìu càl rơbŭt dờng dà tih dà lìu là jơnau sồr bơh plai nùs. Ală hìu lơh sir ngai do ờ mìng là broă lơh bơt bơtàu lơm, mờ gam là bơta pin dờn, là nùs nhơm ling klàng – làng bol geh bơt bơtàu tàm tŭ kal ke bòl glar.