Uă cau ala mat jờng rơ uă ngan nùs nhơm geh kơnòl, bơta ngăc ngar mờ kràñ cê jơh nùs bơh Quôk hội, Cíñ phủ dê tàm broă di tŭ tam gơl gùng dà broă lơh dia nàng kờñ tă bơsong kal ke ai mpồl lơh sa kă bro in, mơkung ròng gàr priă rề dia dê, wèt tus jơnau kờñ gơguh tai uă. Bè khà priă geh bơh kă bro pal kong tă dia, ală jơnau đơs sồr kờñ pal kờp sền nền tàm ală bơta sền sơ wì bơta gơrềng tơl làm, gàr niam di pal mờ bơta geh ngan mờ ring bal đah cau dồ nă să, mpồl lơh sa kă bro kung bè bơta ndrờm bal mờ khà tơrmù ƀà ală bơta tàm hìu bơnhă rài kis bơh cau lơh broă sa priă nhai dê.

Cau ala mat Phan Đức Hiếu (Mpồl Hưng Yên) đơs jơnau dan tơngume ờ sa priă dia bơh ết ngan rlau jơh 1 tơmàn đong tus uă ngan rlau jơh 3 tơmàn đong, mơkung dan mờ Quôk hội lơh nền loh khà do nàng tơrmù ƀà bơta kơn jơ̆ priă tă lơh jat ai jơh bal mpồl lơh sa kă bro mờ anih lơh broă atbồ in.