Tàm Ƀlàng tơp bồc cau chơt màng Quy Nhơn, càr Gia Lai, Đại tướng ồng Nguyễn Trọng Nghĩa bal mờ mpồl lơh broă bơh Dà lơgar dê neh kun bồ tềng đap huềng ală Cau khin cha jak chài chơt màng, ai tơnggŏ nùs nhơm kah ưn ngài uă ngan gơ wèt mờ ală cau neh khin cha jak chài chơt phi să tài lơngăp lơngai is, khat gơboh bơh Dà lơgar dê. 

Tơnơ̆ dơ̆ còp, Đại tướng ồng Nguyễn Trọng Nghĩa bal mờ mpồl lơh broă Dà lơgar dê neh lòt còp ală hìu bơnhă cau ling sồt să neh geh tŭ tus bal tam lơh dră wơl bol sò tơm Tây mờ bol sò tơm Mỹ tŭ do gam ơm kis tàm sơnah ƀòn Quy Nhơn Nam. Mpồl neh lòt còp hìu bơnhă mò Nguyễn Thị Minh Tâm, hìu bơnhă mò Lê Thị Minh Tâm mờ hìu bơnhă ồng Phan Tiến.