Tàm dơ̆ tus còp, pà phan; Đại tướng Nguyễn Trọng Nghĩa rờng rơ ală cồng nha càr Khánh Hoà neh lơh geh tàm broă hòi jà tă priă lơh nàng drơng gàr hìu nhă geh sră dong kờl, cau geh màng mờ dà lơgar, pơgồp bal tàm broă lơh geh uă bơta niam ờs mờng “hùc dà kah tô dà”; sồr Đảng ƀộ, gơnoar atbồ càr Khánh Hoà pơn jăt tai lơh ngan tam gơl pa mờ tơnguh uă cồng nha broă drơng gàr cau geh màng mờ dà lơgar, sền do là kơnòl broă lơh sùm bơh mpồl lơh broă cíñ trị. Mờ kơ̆p kờñ ală hìu nhă pơn jăt tai lơh ngan sơrlèt mờ kal ke, tơnguh bơhiàn kăc màng, nùs nhơm tam klăc bal, tơriang lơh broă nàng rơhời kơl jăp mờ tơnguh uă rài kis.

Di tàm dơ̆ do, Đại tướng Nguyễn Trọng Nghĩa bal mờ mpồl lơh broă bơh Dà lơgar neh jào pà 300 pò phan ai cau geh màng mờ dà lơgar, hìu nhă geh sră dong kờl bal mờ cau lơh phan lơh broă geh rài kis gơtìp kal ke in.