Gùt càr Gia Lai tŭ do geh 424 nơm ơhò jòng bơh 6 thơk rlau hơđang ờ geh tơl bơta pal geh halà ờ gam geh ngui nàng lòt lơh broă tàm dà lềng tai rơp ngui gùng dà broă lơh dong kờl bơh Mpồl duh broă Làng bol càr dê. Càr rơp dong kờl cau lơh ka bơh 50% tus 80% priă lơh pa ơhò, bal mờ 70% priă măi mok tờm neh geh ngui. Bal mờ hơ̆, cau lơh ka mờ ală cau tàm hìu bơnhă là cau lơh ka tơn gam geh dong kờl dùl bơnah priă tă bơsram broă lơh mờ ai lài càn priă dong kờl priă cồng nàng sơn đờm mut lơh broă.

Tàm nhai 4 nam 2026, càr Gia Lai neh tă ai rlau 212 tơmàn đong ai 16 sàh, sơnah ƀòn kềng gah dà lềng in. Tàm hơ̆, rlau 206 tơmàn đong lời ai broă tă sờr ơhò lơh ka in mờ rlau 5 tơmàn 500 tơlak đong nàng dong kờl bơto broă lơh. Gùng dà broă lơh do gam dờp geh bơta ring bal uă bơh cau lơh ka tiah dà lềng càr Gia Lai dê.