Phó Củ tịc lơgar mò Võ Thị Ánh Xuân bal mờ mpồl lơh broă bơh Dà lơgar neh jào phan lơh rùp 200 khà priă bơsram bơh Mpồl duh broă Sền gàr dong kờl Kes priă dong kờl kơnòm dềt Việt Namai kơnòm bơsram geh rài kis gơtìp kal ke tàm càr do in; jào 90 pò phan ai ala măt hìu nhă geh sră dong kờl, hìu rơƀah, cau lơh phan cau lơh broă bal mờ 20 pò phan ai kơnòm dềt geh rài kis gơtìp kal ke in.

Bè kơnòl broă tàm tơngai tus, Phó Củ tịc lơgar sồr càr Vĩnh Long pơn jăt tai tơnguh bơhiàn kăc màng, brồ guh nùs nhơm kơ̆p kờñ bơtàu tơnguh tàm gùt mpồl lơh broă cíñ trị bal mờ làng bol; ai jơnau kờñ tơnguh uă rài kis, gơboh gơbài bơh làng bol dê lơh tờm.