Mpồl neh tus còp, pà phan 2 hìu nhă geh sră dong kờl, tàm hơ̆ geh hìu nhă mò Lương Thị Thân, ơruh pơnu lơh broă lam lài lài do gơtìp sơnơm khih tàm rài tam lơh lơh aniai mờ hìu ồng Mã Quang Vĩnh, cau pròc mhàm cau ling chơ̆t màng.

Ồng Nguyễn Thanh Nghị neh còp să, pràn kơl dang să jan, rài kis, tơlik nùs nhơm ưn ngài uă ngan gơwèt mờ ală broă pơgồp bal bơh ală hìu nhă dê tàm broă tam lơh tơnklàs jơi bơtiàn; pơlam ală hìu nhă pơn jăt tai kis chờ, kis pràn kơl dang, tơnguh bơhiàn ờs mờng kăc màng dê. Mờ sồr kấp ủy, gơnoar atbồ ƀòn lơgar pơn jăt tai sền gròi, lơh tơl, di tŭ ală broă dong kờl gơwèt mờ cau geh màng, gàr niam rài kis phan bơna mờ nùs nhơm ai ală hìu nhă geh sră dong kờl tàm sàh in, pơgồp bal tàm broă bơ̆t bơtàu ƀòn lơgar ngai sơlơ bơtàu tơnguh.