Ngai do (20/4), Quôk hội khoă XVI sơn đờm Dơ̆ 2 Dơ̆ Pơrjum dơ̆ dùl. Cíñ phủ rơp yal broă tơng gơs ƀòn dờng Đồng Nai gơ wèt dà lơgar. Dơ̆ 2 Dơ̆ pơrjum dơ̆ dùl, Quôk hội khoă XVI geh bơyai lơh bơh ngai do (20/4) tus jơh ngai 23/4. Quôk hội rơp ai jơnau đơs tàm uă tơngume kuơmàng mờ lam lơh pờ tê ring bal ală adat boh lam neh geh ală cau ala mat Quôk hội ai jơnau đơs tàm Dơ̆ 1.

Jat tơngume lơh broă, drim do, Ƀộ trưởng Ƀộ Niam chài, Tàp pràn să jan mờ Lòt nhơl, dờp gơnoar jàu bơh Thủ tướng Cíñ phủ dê yal sră yal bè jơnau rơcang cih Jơnau lơh nền tàm pơrjum bơh Quôk hội dê bè bàr pe gùng dà broă lơh tam gơl pràn bơtàu tơnguh niam chài Việt Nam. Kung tàm drim do, ală cau ala mat cribơyai tàm Jơnum bè Jơnau rơcang cih Jơnau lơh nền tàm pơrjum bơh Quôk hội dê bè bàr pe gùng dà, broă lơh tam gơl pràn bơtàu tơnguh niam chài Việt Nam; Jơnau rơcang cih Jơnau lơh nền tàm pơrjum bơh Quôk hội dê bè lam lơh tơrlòng lài jơnau cih Cau chài cah rơña dà lơgar; Jơnau rơcang cih Jơnau lơh nền tàm pơrjum bơh Quôk hội dê bè broă tơng gơs ƀòn dờng Đồng Nai gơ wèt dà lơgar.